مكالمات واتساب للضيوف: إزاي تنضم بدون حساب من الكمبيوتر؟
بتحاول ترتب مكالمة مع زميل أو قريب، لكن الشخص التاني مش بيستخدم واتساب؟ بدل ما تبدأوا بتنزيل تطبيق جديد وتسجيل حساب جديد وكل ده هياخد وقت، بقت فيه طريقة وأبسط للدعوة.
أعلن واتساب يوم 14 أكتوبر 2026 عن مكالمات الضيوف، اللي بتسمح لغير أصحاب الحسابات بالانضمام من متصفح الكمبيوتر من خلال لينك او رابط المكالمة نفس ويجب موافقة المضيف لدخول الضيف، وفقا للإعلان الرسمي.
إزاي تعمل رابط مكالمة واتساب؟
لو إنت المضيف او صاحب الحساب، استخدم حسابك لإنشاء الرابط.
مركز مساعدة واتساب بيوضح الخطوات لواجهة الويب بالشكل ده:
- افتح تبويب المكالمات (Calls).
- اختار رابط مكالمة جديد (New call link).
- حدد نوع المكالمة: فيديو أو صوت.
- راجع خيار طلب الموافقة على الانضمام حسب الخيارات الظاهرة عندك.
- انسخ الرابط أو ابعته من داخل واتساب.
ممكن أسماء الأزرار تختلف بين الواجهات.
ولو محتاج تثبيت التطبيق ارجع لصفحتنا عن تحميل واتساب لأندرويد وآيفون والكمبيوتر.
إزاي الضيف ينضم بدون حساب؟
- يفتح رابط الدعوة في متصفح الكمبيوتر.
- يكتب اسمه.
- ينتظر موافقة المضيف داخل غرفة الانتظار، ثم يدخل الى المكالمة.
مميزات وحدود مكالمات الضيوف
- مكالمات فردية وجماعية حتى 32 مشاركا، مجانية وبدون حد زمني، ومشفرة من طرف لطرف.
- مشاركة شاشة الكمبيوتر، والتفاعلات، ورفع اليد متاحة للضيف.
- الضيف لا يشاهد أرقام بقية المشاركين، ولا يستطبع ان يضيف أشخاصا مباشرة للمكالمة.
إزاي تتحكم في المدعوين والرابط؟
مركز المساعدة بيوضح إن الشخص منشئ الرابط يقدر يقبل أو يرفض طلبات الدخول من غرفة الانتظار، وكمان يحذف اى مشارك أثناء المكالمة.
روابط المكالمات تظل متاحة لمدة 30 يوما.
الأفضل تبعت الدعوة للأشخاص المقصودين مباشرة، وتوضح فيها اسم الاجتماع وميعاده. ولو المكالمة فيها أشخاص انت ما متعرفهمش، اتفق معاهم مسبقا على الأسماء اللي هيطلبوا الدخول بيها.
ولتأمين الحساب اللي بتدير منه الدعوات، راجع دليلنا عن حماية واتساب من الاختراق.
امتى تكون الميزة مفيدة؟
لو محتاج تراجع واجب مع مدرس، أو بتعرض مستند على عميل، أو بتعمل لقاء عائلي، فالميزة تستحق التجربة.
ولو بتجهز اجتماع مهم، جرب الرابط مع أحد المدعوين قبل الموعد، واتأكد من وضوح الصوت والصورة بدل اكتشاف المشكلة وقت الاجتماع.
هل الربط مع تقويم جوجل وOutlook متاح؟
في إعلان 14 أكتوبر، قال واتساب إن تكاملات التقويم هتطرح لاحقا خلال السنة.
المصادر: إعلان مكالمات الضيوف، وإنشاء روابط المكالمات وإدارتها.
