Tiny Little Office: حزمة مكتبية مجانية في المتصفح بديل عن الاوفيس مجانا
محتاج تكتب ملاحظة، ترتب جدول صغير، أو تبعت عرض مختصر من غير رحلة تسجيل حساب جديد ..
Tiny Little Office بيقدم فكرة مختلفة للحزمة المكتبية: تبدأ شغلك من المتصفح، وتشاركه كرابط.
لكن قبل الاعتماد عليه، مهم تفهم معنى حفظ المستند في الرابط، وإيه اللي بيحصل لما تبعته لشخص تاني.
تناول موقع TechRadar المشروع كحزمة مكتبية مجانية للمتصفح تركز على البساطة والخصوصية.
ما هو Tiny Little Office؟
قدّم Paul Ford المشروع ويوضح انه مبني للمستندات الصغيرة، على سبيل المثال : صفحتين أو عدد قليل من الشرائح
ما الأدوات الموجودة في الحزمة؟
الصفحة الرسمية لـTiny Little Office بتعرض 10 أدوات:
| الأداة | وظيفتها الأساسية |
|---|---|
| Word Processor | كتابة المستندات النصية |
| Outliner | ترتيب الأفكار في مخطط هرمي |
| Presentation Builder | إنشاء العروض التقديمية |
| Spreadsheet | العمل على جداول البيانات |
| Calculator | إجراء الحسابات |
| Drawing Tool | الرسم |
| Diagram Maker | إنشاء المخططات |
| Animator | إنشاء الرسوم المتحركة |
| Calendar | تنظيم المواعيد |
| Trip Planner | تخطيط الرحلات |
إزاي المستند بيتحفظ داخل الرابط؟
الرابط بيحتوي على بيانات المستند نفسه. لما تنسخه وتبعته، المستلم بياخد نسخة يقدر يعدلها، ثم يبعث رابط ليك. ويذكر الإعلان خيارات تصدير مثل PDF وPowerPoint وMarkdown وQR اختار الصيغة المتاحة للأداة اللي تناسبك
وهنا فرق مهم أبرزته تغطية TechRadar: التعديلات لا تتزامن لحظيا بين المشاركين زي Google Docs. فلو بعت الرابط لزميل وعدل نسخته، مش معنى كده إن نسختك اتحدثت. لان التحديث ممكن يطول وياخد وقت مع زيادة المحتوى
طريقة البدء والمشاركة من الواجهة
- افتح الموقع الرسمي واختار الأداة المطلوبة، مثل Word Processor.
- حدد عنوان المستند واكتب المحتوى.
- افتح Share… واستخدم Copy link لنسخ الرابط.
- راجع الاختيار بين Edit link للتحرير وPresent link لعرض الصفحات.
- لو محتاج رابط مختصر، راجع مدة الصلاحية قبل استخدام Make a short link.
عند مراجعة الواجهة أثناء إعداد المقالة، ظهرت خيارات كلمة مرور، وQR، وروابط مختصرة بصلاحية ساعة أو يوم أو أسبوع أو شهر. وايضا واجهة المشروع كانت تحمل وصف Beta، فالأزرار والإمكانيات ممكن تتغير.
ابدأ بمحتوى تجريبي قصير، وافتح الرابط في نافذة أخرى قبل استخدامه في شغل مهم. ولو بتراجع مستند مع حد الزملاء، اتفقوا مين هيعمل التعديل وامته علشان ده بيقلل لخبطة الروابط المتشابهة.
هل البيانات تفضل على جهازك دائما؟
يمكنك الحفظ المحلي الاختياري على الجهاز، والرابط المختصر اللي بيخزّن مشفرا مع وجود المفتاح في الرابط، ومعاينات المشاركة الاجتماعية اللي بيتم حفظها على خادم.
واجهة المشاركة بتوضح إن معاينة الصفحة الأولى وعنوان المستند ممكن يفضلوا قابلين للقراءة على الخادم لمدة شهر عند تفعيل معاينة المنشور. وبتوضح كمان إن الرابط المختصر لا يمكن تعديله أو حذفه من نفس الأداة بعد إنشائه، لكنه ينتهي تلقائيا.
لذلك راجع نوع الرابط وخيارات المعاينة قبل النشر، وما تبعتش الرابط العادي غير المحمي في مكان عام لو مش عايز تتيح محتواه للناس.
المشروع مفتوح المصدر بترخيص MIT، ومستودعه بيوضح إن المتصفح ممكن يحتفظ بالرابط في السجل، وإن تفعيل الحفظ المحلي اختيار من المستخدم.
هل ينفع يكون بديلا لأوفيس؟
من الاستخدامات المقترحة: توزيع جدول مصروفات بسيط، إرسال ملخص اجتماع، أو مشاركة تصور أولي لعرض قصير. جربه لما تكون الأولوية فى سرعة الإنشاء وسهولة التسليم
ولو شغلك معتمد على ملفات Word أو Excel معقدة، ما تفترضش التوافق الكامل من مجرد وجود محرر نصوص وجداول. جرب مستند مماثلا لشغلك، وراجع التنسيق والحسابات وخيارات التصدير قبل الانتقال.
ولخيارات أخرى على الكمبيوتر، راجع ترشيحاتنا لأفضل البرامج المجانية لويندوز.
المصادر: تغطية TechRadar، إعلان Paul Ford على Aboard، الموقع الرسمي، وتوثيق GitHub.
