قفل محادثات ChatGPT: طريقة تفعيل Locked Chats لزيادة الخصوصية

لو بتشارك شاشة الكمبيوتر أو بتدي موبايلك لحد يشوف محادثة معينة على ChatGPT ، ممكن تكون مش عايز بقية كلامك مع ChatGPT يظهر قدامه. هنا بييجي دور قفل محادثات ChatGPT ، كطريقة للتحكم في الوصول للمحادثات اللي عايز تحتفظ بيها بعيدا عن القائمة المعتادة.

اوضحت TechCrunch بدء طرح ميزة Locked Chats يوم 20 أكتوبر 2026.

إيه هي ميزة قفل محادثات ChatGPT؟

بحسب ما ذكرت Android Authority، الميزة بتنقل محادثات مختارة لمساحة محمية بعيدا عن السجل العادي والمحادثات المثبتة والبحث.
فتح المحادثه بيحتاج PIN من 4 أرقام، او Face ID أو Touch ID.

الطرح بيشمل الشات العادى على خطط ال Free وGo وPlus وPro وBusiness وEnterprise وEdu على الويب والموبايل والكمبيوتر. وهي غير متاحة لمحادثات Codex وWork المحلية.

إزاي تقفل محادثة وتفتحها تاني؟

الخطوات التالية موضحة في دليل OpenAI الرسمي:

1. افتح قائمة الخيارات (•••) للمحادثة.
2. اختار Lock chat وأكد القفل.
3. أنشئ PIN أو أدخله عند الطلب.

للوصول إليها لاحقا: افتح Projects ← Locked chats، وتحقق من هويتك، ثم اختار المحادثة.
ولإرجاعها للسجل العادي، افتح خياراتها واختار Unlock chat.

عند الانتهاء، من المحادثه اضغط Lock now لإنهاء الوصول فورا.

مثال عملي: لو بتجهز لاطلاق مشروع مهم مع ChatGPT، جرب الوصول للمحادثة المقفولة بنفسك قبل ما تشارك الشاشة.

هل القفل معناه تشفير كامل؟

لا قفل المحادثة لا يضيف تشفيرا من طرف لطرف. وAndroid Authority بتوضح إن وظيفة الميزة هي إبعاد المحتوى عن أعين الآخرين اللي بيستخدموا جهازك.

ولو هدفك منع استخدام محادثاتك الجديدة لتحسين النماذج، راجع Settings ← Data controls ← Improve the model for everyone وأوقف الخيار.

إيه اللي بيحصل للذاكرة؟

مع تفعيل Memory، المعلومات الجديدة المحفوظة داخل المحادثات المقفولة ممكن تستخدمها محادثات مقفولة أخرى، لكنها لا تنتقل للمحادثات العادية. لكنك تقدر تستفيد من الذاكرة العادية.

نسيت PIN؟ فرق بين النسيان وإعادة التعيين

إعادة تعيين PIN المنسي بتحذف المحادثات المقفولة نهائيا، بحسب التحذير اللي نقلته Android Authority. ما تبدأش الإجراء باعتباره مجرد اختيار رقم جديد.

إعادة التعيين تحذف أيضا الملفات والذاكرة المحمية بالرمز وحده، والدعم لا يستطيع استرجاعها.

لذلك، اقرأ شاشة التأكيد كاملة قبل أي تغيير، واختار رمزا تقدر تحتفظ بيه بطريقة آمنة.

القفل ولا الأرشفة ولا المحادثة المؤقتة؟

دليل البحث في ChatGPT بيوضح إن المحادثات المؤرشفة تفضل قابلة للبحث رغم اختفائها من السجل المعتاد.

أما Temporary Chat، فلا تظهر في السجل ولا تنشئ ذكريات، ولا تستخدم لتدريب النماذج وهي مؤقتة. بالتالي الأرشفة مناسبة لتنظيم المحادثات المؤقتة لجلسة مش عايز تحفظها في السجل

ليه خيار Lock chat مش ظاهر؟

الطرح تدريجي، وبعض الأنواع غير مؤهلة للقفل، مثل المحادثات المؤقتة والمؤرشفة والمحادثات المرتبطة بمهام مجدولة.

ولو بتراجع أمان تطبيقات التواصل كمان، شوف دليلنا عن حماية حساب واتساب من الاختراق.

المصادر الأجنبية: TechCrunch وAndroid Authority. تمت مراجعة التفاصيل الفنية مع توثيق OpenAI الرسمي، وإعدادات البيانات، والبحث والأرشفة.